വഴി മുടക്കുന്ന ഭക്തി (31.1.2015)

ഇന്ന് വൈകീട്ട്‌ മലപ്പുറത്തു നിന്നും തിരൂരിലേക്കുള്ള മടക്കയാത്ര...
ആദ്യം മലപ്പുറത്ത്‌ ക്രിസ്ത്യൻ പള്ളിയിലെ എന്തോ ആഘോഷവുമായി
ബന്ധപ്പെട്ടുള്ള ഘോഷയാത്രയിൽ
അര മണിക്കൂർ ഗതാഗത തടസ്സം.
വീണ്ടും തിരൂരിൽ നിന്ന് വീട്ടിലേക്കുള്ള യാത്രക്കിടെ പാട്ടുപ്പറമ്പ്‌ ക്ഷേത്രത്തിലെ ഉത്സവവുമായി ബന്ധപ്പെട്ട്‌
ഒരു മണിക്കൂർ ഗതാഗതതടസ്സം.
രാഷ്ട്രീയപ്പാർട്ടികൾക്ക്‌
യോഗം ചേരാനുള്ള സ്വാതന്ത്ര്യം ഗതാഗതതടസ്സത്തിന്റെ പേരിൽ ഇല്ലാതാക്കിയ നീതിപീഠത്തിനെതിരെ ശബ്ദിച്ചതിനു സ.എം.വി.ജയരാജൻ തടവുശിക്ഷ ഏറ്റുവാങ്ങിയത്‌ ഇന്നലെ.
അദ്ധ്വാനിക്കുന്നവനെയും ഭാരം ചുമക്കുന്നവനെയും താങ്ങുന്ന,
അധർമ്മത്തിനുമേൽ ധർമ്മം വിജയിക്കുന്നത്‌ ലക്ഷ്യമാക്കുന്ന മതം,
ആഘോഷങ്ങളിലൂടെയും
താളമേളങ്ങളിലൂടെയും
വർണ്ണപ്പകിട്ടുകളിലൂടെയും
മനുഷ്യന്റെ വേദനക്ക്‌ ശമനമേകാൻ
കഴിയുന്ന ഔഷധമാകുമെങ്കിൽ
ഇവയെല്ലാം അനുസ്യൂതം തുടരട്ടെ,
പക്ഷെ അതുമാത്രം മതിയോ?
നീതിദേവതയുടെ കയ്യിലെ തുലാസിലെ ഒരു തട്ടുമാത്രം താഴ്‌ന്നുനിൽക്കുന്നോ?
ദൈവമെന്ന സങ്കൽപത്തെ നിലനിർത്താൻ മതമെന്ന ആൾക്കൂട്ടം നടത്തുന്ന തടസ്സങ്ങൾ നീണാൾവാഴട്ടെ...
ജനാധിപത്യമെന്ന യാഥാർത്ഥ്യത്തിനു ശക്തിപകരുന്ന രാഷ്ട്രീയമെന്ന മാർഗ്ഗം അടിസ്ഥാനമാക്കിയ സംഘശക്തി തടസ്സമുണ്ടാക്കിയാൽ
അവർ അഴിയെണ്ണട്ടെ...
അതാണോ നിയമം?
അതെ അതാണു നിയമം!
അതാണത്രേ നിയമം!!
പ്രകാശം പരക്കട്ടെ!!!